خه‌فه‌ت

ئاخری له بچووکی ژووره‌که‌م به ته‌نگ هاتم!

                   کتێبخانه‌که‌م تووڕدایه به‌ر ده‌رگه‌که‌مان!

ئه‌مه دووساڵ و سێ‌مانگ و نۆ رۆژه

که‌س ده‌ستێکیشێ بۆ نه‌بردووه!

                    ته‌نیا خه‌فه‌ت بۆ ئانتێنی ماشینه‌که‌م ئه‌خۆم که

 له‌م مانگه‌دا سێ‌جار هه‌ڵیانکه‌ندووه و بردوویانه!

شار

چه‌ند شه‌قامی خه‌ت‌خه‌تی کراو به ره‌نگی سپی

وا بزانم ته‌نیا بۆ جوانی بێت!

                                    یان بۆ خۆشیش!

ئاخر هه‌موو ئێواره‌یه‌ک

خه‌ڵک به‌سه‌ریاندا هه‌نگاو ئه‌نێن و قسه‌ ئه‌که‌ن

خاوه‌نی ئوتومۆبیله‌کانیش بۆقیان بۆ لێئه‌ده‌ن!

                           هه‌موو خۆشحاڵ و رازین!

- په‌رژینێک قایم بێت- جارێک له که‌سێکم بیست که ئه‌یوت:

                               خه‌ڵک نازانن شه‌قام جێی ماشینه!

ئه‌و کابرا چ گێژ بوو که له نه‌ققاشی تێ‌نه‌ئه‌گه‌یشت!

لووله‌که‌ش

“جه‌مال” ماڵه‌که‌می لووله‌کێشی کرد!

کاتێ پووڵی کاره‌که‌ی گرت

                        کاغه‌زێکی لۆچی له گیرفانی ده‌رهاورد!

هه‌ر که‌س باوه‌ڕ ناکات که

بڕوانامه‌ی زانکۆ ته‌نیا له‌ته کاغه‌زێکی چڵکن و بێ‌به‌هایه

ماڵه‌که‌ی لووله‌کێشی کات.

                             سه‌رۆک کۆمار له هه‌موومان ژیرتره!

کات‌ژمێر

بۆ ئه‌وه‌ی که بزانیت

جه‌ماوه‌ر جیاوازیی بۆچوونیان چه‌نده زۆره

هه‌موو به‌یانییه‌ک گوێ له په‌نجا و سێ مزگه‌وتی ناوشار بگره!

بانگی به‌یانی هیچ کامیان له یه‌ک کات‌ژمێردا نییه!

ئه‌م به‌یانییه تاقیم کرده‌وه!

                            له 4:27 ه‌وه ده‌ستیان پێکرد

                               له 5:16 دا ته‌واویان کرد!

جا به‌ ته‌مایشی

                   هه‌رماڵێک حیزبێکی نه‌بێت!!!

پشوو!

-          یه‌که‌م: له‌وه‌ی که “ده‌نگ”م نه‌دا زۆر خۆشحاڵم! ئیتر پێویست ناکات بقیڕێنم :” موسوی، رأی مرا پس بگیر ” !!! و ته‌قه‌م لێ که‌ن و بمکوژن و دواتر پێم بڵێن: ” اراذل و اوباش” بووه!

.

-          دووهه‌م: چه‌‌ند رۆژه خوێندنگه‌کان چوونه‌ته ناو پشووی هاوینه و هه‌ر له ئێستاوه بێ‌تاقه‌تم! زۆر بێ تاقه‌تم! بێ تاقه‌تی هه‌موو شتێک! ئێره ” هونه‌رستانی کچانه‌ی عیففه‌تی سه‌وڵاوا”یه! ئه‌م به‌‌هاره لێواولێو بوو له گوڵه‌سووره‌ی جوان! له کلاسه‌که‌مه‌وه دیمه‌‌نی له‌م چه‌شنه‌م ئه‌دی! که‌م‌تر شوێنی وا ده‌ست ئه‌که‌وێت! له کاتی گوڵه‌سووره‌دا و وه‌ختی ته‌واوبوونی کلاسه‌کانمان، هه‌موو ساتێک مناڵه‌کان به‌رشیشه‌ی ئۆتۆموبیله‌که‌‌میان به گوڵه‌سووره ئه‌ڕازانده‌وه! بێ‌تاقه‌تی ئه‌م هه‌موو هه‌سته پاکه‌م له‌م هه‌وا چڵکه‌نه‌دا!

.

 

ده‌ن.گ ن.ا.د.ه.‌م!

” ده‌نگ” م ئه‌دا که ئیتر کا حه‌مه‌ساڵه پێم نه‌ڵێ بۆچی نایه‌ی بۆ نوێژ جه‌ماعه‌ت! ده‌نگم ئه‌دا که ره‌ئیسه‌که‌م له خۆم زۆرتر بزانێ و زۆرتری خوێندبێ! ده‌نگم ئه‌دا که کووچه‌ی ماڵه‌که‌مان به ته‌ڕ و تووشی‌دا گه‌زێک قوڕی لێ‌نه‌نیشێ! ده‌نگم ئه‌دا که ناوی ” به‌سته‌نی بارسێلۆنا” ی ناوشاری مه‌ریوان به زۆر نه‌گۆڕدرێت به خاوه‌نه‌که‌ی! ده‌نگم ئه‌دا که له کلاس‌دا پڕبه‌دڵ جوێن به‌م به‌و کاربه‌ده‌سته‌ی که خۆشم لێی نایه‌ت و کات‌ژمێرێک دواتر بانگم نه‌که‌ن بۆ ” حه‌راسه‌ت” ! ده‌نگم ئه‌دا که به گۆرانی ” حه‌سه‌ن زیره‌ک ” نه‌ڵێن موبته‌زه‌ل! ده‌نگم ئه‌دا که ئیتر پێم نه‌ڵێن قه‌وم! ده‌نگم ئه‌دا که “کاعه‌لی” هیچ نه‌زان نه‌چێته جێی ” ئاغه‌ی عه‌زیزی ” ته‌نیا له به‌ر ئه‌وه که ” نیروی ارزشی ” ی‌یه! ده‌نگم ئه‌دا که ” کامیل ” دوێنێ رێفۆرمیست نه‌بێت و ئیمڕۆ ئوسوول‌گه‌را! ده‌نگم ئه‌دا که بتوانم ” نیان ” ساڵێ جارێک ببه‌م بۆ ” شیراز ” و ” ئیسفه‌هان ” بیگه‌ڕێنم! ده‌نگم ئه‌دا که …

که ده‌نگم دا و هیچکامیان به دی نه‌هات سوێن به غه‌وس که ئیتر

                                                                                   ده‌ن.گ     ن.ا.د.ه.‌م!

نه‌ورۆز

ئه‌م ” نه‌ورۆز ” و ” به‌هـار “انه

چه‌نده تیکــــراری و بـێ‌تامن!

وه‌کــوو نـــــه‌ورۆزی جـــــارانه

سیخناخ له حه‌سره‌ت و زامن

هیواکانمان چه‌که‌ره‌یان هێناوه! ئاواته‌کانمان باوک مردوون! حه‌زه‌کانمان ته‌پ و تۆز گرتوون! له‌م بێتام‌بازاڕه‌دا به‌ڵام:

ساڵی نوێتان پیرۆز! سڵامه‌تی تێکه‌ڵ به وجوودتان بێت. نه‌خووشی و خه‌م هه‌میشه لێتان تۆرابێت. حه‌زه‌کانی‌تر تیکراری و بێ‌حورمه‌ت بوون! باسیان ناکه‌م. ناویان نابه‌م. بژین…

لبيك اللهم لك لبيك…

یه‌که‌م: ئیمساڵ له مه‌ریوان و چه‌ندڕۆژێک پێش ئێستا -  کاتێک ” حاجی ” ییه‌کان به‌ره‌و حیجاز رێئه‌که‌وتن – به‌زمێک غه‌ریب و به‌رنامه‌یه‌ک عه‌جیب هاته ئاراوه: هه‌رکه‌سێک عه‌شیره و تاییفه‌ی خۆی بۆ خواحافیزی بانگهێشت کردبوو و هه‌وڵی دابوو بۆ نیشان‌دانی زۆری حه‌شیمه‌تی که‌س و کاری ئه‌وه‌ی به خوێی چێشتێک پێی ئه‌گات جه‌م کاته‌وه! له ده‌سپێک‌دا دیار بوو حاجی‌یه‌کان بڕیاره بڕۆن بۆ لای ” یار ” و به جێی گه‌ڕانه‌وه‌ی مرۆڤانه و هه‌ڵماڵینی خوو و ره‌وشتی پیس و دزێو، وه‌کوو ئینسان بگه‌ڕێنه‌وه! بڕوا ناکه‌م که‌سێکیان وا بێنه‌وه! سالی که نکوست، از بهارش پیداست!

دووهه‌م: که‌سێکی زۆر نزیکمان ره‌وانه‌ی حه‌ججی ئه‌مساڵ بوو! حه‌فتا دانه مریشکی سێ‌کیلۆ به‌ره‌وژووری سه‌ندووه بۆ کاتی گه‌ڕانه‌وه‌ی حاجییانه ساز بدات! له کاتێکدا پێویسته حاجی گه‌ردن‌ئازایی له هه‌موو ئه‌وانه‌ی ئه‌یانناسێت بخوازێت که حه‌جه‌که‌ی قه‌ىووڵ بێت، نه‌ک هه‌ر وای نه‌کردووه به‌ڵکوو سی و هه‌شت‌ساڵه مێرده‌که‌ی و دوو برای‌تری به‌شی پێنج‌خوشکی خۆیان پاش مردنی باوکیان کردووه به زه‌هری‌ماریان و تاقه‌خشتێکی ماڵه‌که‌یشی حه‌ڵال نییه! هێوه‌رێکی که کوڕی مامۆستایه‌کی ئایینی ناسراوی کوردستانه و خۆیشی مامۆستایه، له وه‌ڵامی پرسیارێکمدا که پرسیم چۆن له ئاست ئه‌م زوڵمه‌یاندا وه‌ڵامی خوای خۆی ئه‌داته‌وه؟ وتی: عه‌ره‌بی باش ئه‌زانم! تێی ئه‌گه‌یه‌نم!!! زۆرێ له حاجییه‌‌کان ئه‌م گرفته‌یان هه‌یه‌!

سێهه‌م: خاده‌می حه‌ره‌مه‌ینی شه‌ریفه‌ین ئیمساڵ دابه‌زینی نرخی نه‌وت له گیرفانی حاجییه‌کان قه‌ره‌بوو ئه‌کاته‌وه! کاتێک پاره‌که رێم که‌وته ئه‌شکه‌وتی ” حرا ” و پیس و پۆخڵی رێگه‌که‌م دی و هۆکاره‌که‌م له عه‌ره‌بێک پرسی وتی: دوو بنه به‌رد به کار چی ئه‌خوات که بیبینیت! بوو به پرس بۆم که خۆ که‌عبه‌یش چه‌ن بنه به‌ردی وشکه! به‌ڵام چون بۆ خاده‌می حه‌ره‌مه‌ینی شه‌ریفه‌ین خێری هه‌یه و پیره‌ژن و پیره‌پیاو ئه‌توانن بڕۆنه لای قه‌ی‌ناکا! ئه‌شکه‌وتی ” حرا ” رێگه‌که‌ی سه‌خته و که‌م‌که‌س ئه‌توانێت بچێته سه‌ری بۆیه ئه‌شێ بڵێن دوو‌بن به‌رد دیتنی نییه!!! حه‌یف له‌م‌شوێنه پیرۆزه که شای وڵاته‌که‌ی وایه و موسافیره‌کانیشی وا!

وێنه‌کان له رۆژانی 19 ی 4 ی 86 تا 31 ی 4 ی 86 دا گیراون.

 

چواره‌م: جه‌ژنتان پیرۆز! ئازاوم که‌ن…

بخوێنن، فێربن، بگۆڕن

امسال سخت‌ترين سال تدريسم بود هر چند كه ماندگارترين خاطرات در ذهنم قطعاً مربوط به وقايع كلاس امسالم مي‌باشد.
دختران پرتحركم همراه خوبي برايم بودند كه بتوانم به اندكي از خواسته‌ها و آرزوهايم در فرايند آموزش و پرورش برسم كه خود در ذهنم ساخته‌ام و نشاني از سياست‌هاي جاري سازمان آموزش و پرورش در آنها وجود ندارد.
دختران خوبم،
هر چند كه سال آينده قادر به همراهي شما نخواهم بود، ولي با وضع به وجود آمده بسيار اميدوارم كه هرگز شاهد گسست ارتباط فوق‌العاده صميمي‌مان نباشم.

سيروان

امروز هفته‌نامه‌ی سيروان مطلبی را که در باره‌ی وبلاگمان نوشته بودم چاپ کرده بود و تيتر آن رااينگونه انتخاب کرده بود
کلاس جهانی هنرستان عفت کردستان
سيروان سپاس